Araguaia, nova especie de delfín de río descuberta.

 Foto de National Geographic

Seis científicos de diferentes países, descubriron esta nova especie de delfín de río que vive no Araguia (Brasil). A investigación xenética mostra que se diferenciou doutros delfíns de río ( do seu ancestro común) fai máis de dous millóns de anos.

Foi bautizado como Inia araguaiaensis, e co seu descubrimento xa son cinco as especies de delfín de río coñecidas ata agora. 

Os investigadores calculan que quedarán uns 1.000 exemplares vivos e suxiren que a especie se considere ''vulnerable'' pola Unión Internacional pola Conservación da Natureza (IUCN), xa que están ameazados polo desenvolvemento e a construción de presas hidroeléctricas.


O delfín do río Yangtsé fora o último en ser descuberto ata agora (no 1918), mais extinguiuse no 2007. Tres das especies que permanecen vivas están ameazadas, segundo a IUCN

Sony e o xenoma humano.

Parece que non só Google quere entrar no mercado da saúde* e da mediciña, a xaponesa Sony anunciou que creará unha campaña para investigar o xenoma humano. Xunto coas empresas ''M3'', das que é accionista, e Illumina, un fabricante estadounidense de equipo xenético, Sony lanzará a plataforma no Xapón a finais do vindeiro mes.
  

En principio a empresa Sony pretende ofrecer servizos de análise do xenoma humano a empresas e institucións de investigación do Xapón. O obxetivo final sería que eses servizos se puideran extender a pacientes, pra poder ofrecerlles tratamentos de saúde persoalizados. 

O vicepresidente executivo e xefe do comercio médico de Sony, Tadashi Saito, mostrou o seu entusiasmo polo ''potencial'' desta colaboración e ''os logros que nos van aproximar á era da mediciña persoalizada''

P.D
* Sobre Google. Acabase de coñecer que un dos último grandes proxectos de Google é que vai desenvolver un prototipo de lentes de contacto intelixentes pra medir o nivel de glucosa nos diabéticos.

Refrescos, canceríxenos?

Sabemos que beber moitas bebidas azucradas, coma os refrescos ''Coca-Cola'' ou ''Pepsi'' ,entre outros, non é bo para o noso organismo. Teñen moito azucre e calorías vacías*, non nos aportan nutrientes e por riba, a miúdo teñen compoñentes químicos que nos fan mal.

  Un novo estudo estadounidense denunciou  a ''Pepsi'' polos altos contidos dun compoñente chamado 4-Mel, que é canceríxeno, na súa bebida ''Pepsi One*''

 

Este químico usase para derlle a cor caramelo (4-methylimidazole) a este tipo de bebidas. A Axencia Internacional de Investigación sobre o Cancro da Organización Mundial da Saúde califica a substancia de canceríxena, baseándose en experimentos con animais.

Os médicos piden unha regulación máis estrita ó respeto e acentúan que os niveis de 4-metilimidazol dependen das técnicas que se usen pra fabricar o colorante, noutras palabras, dependen do suministrador de cada produtor de refrescos. 

Os niveis poden ser diferentes nos lotes da mesma marca, como ocurríu con ''Pepsi''. Segundo ''Consumer Reports*'' unha Pepsi adquirida en decembro en Nova York contiña catro veces máis 4-metilimidazol ca unha Pepsi mercada no mesmo mes no estado de California, EE.UU.

É posible minimizar a presenza da substancia nas bebidas, xa que o uso deste colorante é unicamente cosmético e non da ningún sabor. O estado de California obligou a todo-los alimentos e refrescos que podan expoñer ao organismo a máis de 29 microgramos de 4-metilimidazol diarios a advertilo na súa etiqueta. A lista de ingredientes perigosos  Prop 65 recolle dende 2011 o químico 4-metilimidazol.

En resposta ao estudo, a Asociación de Produtores de refrescos de EE.UU informou a través dun comunicado:

''En contra das conclusións de 'Consumer Reports', a Axencia de Alimentos e Medicamentos de EE.UU sinalou que non hai razón en absoluto para preocupacións pola saúde, unha posición respaldada polas axencias de todo o mundo''

Podemos recordar que no ano 2012 a empresa PepsiCO Inc. comprometeuse a reducir o uso deste químico nas sás bebidas. Pero toda esta información que vos achego, sen lugar a dúbidas, debenos poñer en alerta. Hai que ter moito coidado co que consumimos e bebemos, ou damos de beber aos nosos familiares ou fillos. Hoxe en día, estas bebidas son  frecuentes en moitos fogares por non falar dos bares.

                                              refrescos nun supermercado

P.D 

1* Calorias vacías: calorías que proveñen de alimentos con moi pouco aporte nutritivo, só valor enerxético.

2* Pepsi One: tipo de Pepsi sen azucre, con moi poucas calorías. Se non a coñecedes deixovos o enlace da páxina de Wikipedia (está en inglés) 

3*'Consumer Reports': revista americana publicada mensualmente pola Unión de Consumidores dende o 1936.